· معدَّل
في حاجة اتعلمتها بعد ما غيرت مجالي أكتر من مرة كل مرة كنت بدخل مجال جديد كنت بكتشف نفس الحاجة: ناس كتير جدا! 😂 أول ما بدأت في مجال معين الـFeed بتاعي بقى كله ناس من نفس المجال أغير المجال؟ فجأة ألاقي الـFeed اتملى بناس جديدة شغالة في نفس الحاجة برضه وساعتها بدأت أسأل نفسي: هو مفيش مجال مفيهوش منافسة؟ 😂 بس الحقيقة إن المشكلة ماكنتش في المجال أصلا إحنا أحيانا بنفتكر إن المجال مزدحم لمجرد إننا بقينا شايفين الناس اللي فيه لكن الواقع إن أي مجال ناجح هتلاقي فيه ناس وأي مجال فيه فلوس أو فرص طبيعي تلاقي فيه منافسة حتى لو اخترعت بكرة مهنة جديدة اسمها: متخصص ترتيب الكراكيب 😂 هتلاقي حد عامل صفحة: (أفضل متخصص كراكيب في الشرق الأوسط) 🤣 فبدل ما تفضل تنط من مجال لمجال عشان تهرب من المنافسة اسأل نفسك سؤال أهم: إيه الحاجة اللي أقدر أعملها بشكل مختلف تخلي الناس تختارني أنا؟ لأنك مش محتاج تكون الوحيد في السوق إنت محتاج تكون واضح ومميز ومش سهل يتنسى المنافسة مش معناها إن مفيش مكان ليك المنافسة معناها إن عليك تبني مكانك بنفسك وفي الآخر مش مهم كام واحد شغال في نفس مجالك المهم لما اسمك يتقال الناس تقول: اه… عارفه ده بتاع الحاجة دي ❤️ وبالمناسبة الصورة دي مش مجرد صورة 😂❤️ YesFX كانت واحدة من الحاجات اللي ساعدتني أخطو خطواتي في الطريق ده يمكن المنافسة كبيرة بس لما تلاقي حد يمدلك إيده وإنت بتطلع الرحلة بتفرق شكرا @ملك الذهب ❤️
